43 Yesu hayang’ali yolonga, Yuda, yumwe we iwanang’ina wake kumi na weli, tsakapfika. Katsa na kingili lye iwanu iwakindile imimaghe ne ipfilungu. Tsawatumighwa na ipfilongotsi we inambiko, iwolangulitsa Ghamalaghitso ne iwabala.
53 Kuya wamghala Yesu mne ing’anda ye Ichilongotsi we Inambiko, baho ipfilongotsi we inambiko, iwabala ne iwolangulitsa Ghamalaghitso wose wetingana hamwe. 55 Iwakulu we inambiko ne iwanu wose mne libaratsa wabama ukalangama wamwing’e maghomba Yesu ili wadahe kumkoma, lekeni ng’awadahile bae kuupata.
61 Lekeni Yesu kenyamala, ng’alongile bae. Ichilongotsi we Inambiko kamghutsa keli, "Apfi ghweghwe kwa Kiristu, Imwana we Imulungu Yetunyighwe?"
62 Yesu kalonga, "Ona nene. Wose mtsomwona Imwana we Imunu kakala mne ghumoko ghwa kujilo ghwe Imulungu yane Ingupfu, kakutsa mne ghamawingu gha kulanga."
63 Baho Ichilongotsi we Inambiko kadegha lighwanda lyake, kaghutsa, "Lelo twobama wakalangama wangi wachi? 64 Ambe mumhulika pfayamlighile Imulungu! Mwemwe mkwonatse?"
Wose wamhigha yakomighwe. 65 Iwanu wangi wandusa kumbwalulila Yesu ghamate, wamghubika tsinenge tsake, wamtowa, wamlongela, "Utange, yuhi yakutowile!" Pfipfila iwakalitsi wamsola, wamtowa.
Petiri kombela Yesu
(Mat 26:69-75; Luk 22:56-62; Yohn 18:15-18,25-27)