14 Lelo watsomlombatse ayula ng’ana wamtoghole bae? Kuya watsomtogholatse ayula ng’ana wahulike bae mbuli tsake? Na watsohulikatse ka kuduhu bae imunu wa kuwapetela? 15 Na iwanu watsopetatse Imbuli Inoghile ka ng’awaghalighwe bae? Ka pfayandighwe, "Kunogha ghendo ukutsa kwa iwanu wala iwopeta Imbuli Inoghile!" 16 Lekeni si Waisiraeli wose bae iwatoghole Imbuli Inoghile ye Imulungu. Ka Isaya pfayalongile, "Imtwatsa, yuhi iyatoghole usenga wetu?" 17 Lekeni ukutoghola kwakutsa kubitila ukuhulika usenga, na usenga awo wakutsa kwa mbuli ya Kiristu.