1 Coríntios 6

Ira na tinoni tana Karisito qai vaivalao pa ia vaitutina

1 Totonai kame agou sa koleona kai ona nonomi lao tana kai turana pana tana Karisito, sa sa kepore sosoto na ona totona ko mina pogoso laonia isa tana tinoni vaipitu sake gigilai Tamasa ko mi pitu vaniria sa na nonomi isa. Na tuvisina sa isa mi pogoso laonia tadira na tinoni tana Tamasa ko mai vatuvisia sa na vainonomi isa. 2 Qu tei gigilaimiu tu agou sa ira na tinoni tana Tamasa sa kode mai pitua na kasia gusu. Ego ko vei na kasia gusu tu ba muna pitua sagou, poni sa na bokamiu vivitigi gu sagou ko muna pituria sa na tapata ikikete! 3 Qu tei gigilaimiu tu agou sa gita tana pituria sira na mateana. Ko vei mina vei isa, poni sa na bokada vivitigi sa gita ko tana pituria sira na sakasa pa toa api! 4 Ko vei bi koleona sa kaki tapata vevei pira, poni na sa ginuana qu vatoqoniria ira na tinoni sa kepore na dia tuturuna pa ekelesia? 5 Qa paranga vei pira sara ko qa vakeagou ke! Ai vei, sa kepore sosoto sa kai tinoni pa vaikorapaimiu agou bi peki gigilai kaki sa ko bi boka vatuvisia kai tapata pa vaikorapaidi ira kao tamatasi tana Karisito?