1 Pedro 1

6 Ko sa vei sa mu qeraniria sa ira na sakasa mai gore votu vuka risa, ba pana iapeki totoso pira sa qu korapa takulanga sagou tonai qu korapa gosororia soku tapata. 7 Ba na ginuana qai lame sira na tapata aipira sa vei ko mina tadogoro pikata sa na sosotona na rarange tamugou. Na qolo sa kai sakasava sa boka tapiara pale gu ba sa tapodeke tu pa niku sisa. Ba na rarange tamugou sa sa poreveveina jolania na qolo ko sa vei sa mina tapodeke tugu pana tapata. Tonai tu mina tapodeke sa mina tadoro pikata sa na rarange sosotona sisa, beto sa mina ovulugou beto na valavatagou na Tamasa sagou tonai mina mule lame i Jisu Karisito. 8 Quke batia agou si Jisu ba qu korapa tugu roroqua, beto kopira ba quke korapa tugu batia agou sisa ba qu korapa tugu vasosotoa. Beto ko qu isongia sa na qeqera lavatana jola sake boka tavakole pana vavakato. 9 Ura qu korapa tekua tugu agou sa na vuana na miu rarange ko na vua isa sa na veveina na Tamasa sa aloria na miu toa.