2 Timóteo 1

8 Ko sa vei sa muke pogoso kekeania sa na vavakatona na veveina na oda Bangara beto na veveiqu ara qa tapiu talenia sisa. Goto mu somana gosororia pana neqi tana Tamasa sira na tapata qa gosoro taleniria na nongoro jongana ara. 9 Na Tamasa isa sa alogita beto sa kukugita sa gita ko ta toania na toa liosona sau. Ko nake oda roiti jongadi sa sa alonigita na Tamasa gita goto pana ona nyorogua mekana beto na ona roroqu vaialona tu na Tamasa sa taqe taalo sa gita. Ko tonai tu sa oqoro podalai na totoso sa vanigita isa tana Karisito Jisu sa na roroqu vaialona isa. 10 Ba kopira na roroqu vaialona isa sa sa tadogoro vakabere pana bola votu lame tana oda inaalo, na Karisito Jisu. Ko na Karisito Jisu sa tei valovea tu sa na mate beto sa vadogoro vakaberenigita pana nongoro jongana sa na toa kepore vinabetona.