Roiti 13

2 Totonai qai kole nabulunia ira sa na bangara beto qai tatabu gagani, poni sa pira sau sa na Gagala Tabuna, <<Ego mu vile kale vanisiu sira Banabasi beto i Saula, ko mai roitinia sa na roiti qa udukuniria ara ko mai roitinia,>> sau sisa. 3 Ko pa liguna qai tatabu gagani beto na kole vavara, sa qai vaoponiria na limadi sira karu, beto sa qai soni garunu variuria.

Ira Banabasi i Saula qai kamu pa nusa Saeparasi

4 Ego ko totonai sa garunuria na Gagala Tabuna sira Banabasi i Saula, poni sa qai gore pa Seleukeia, ko koko ketakoi sa qai toka karovo lao pa nusa Saeparasi.