I Josepa sa ulevotu mulenia mekana
1 Ego sake boka sosoto aru mulenia pa moedi ira doru ona tinoni roiti si Josepa, ko sa kukuria, pira sau, <<Mu vaiolo voturia pana taqu sira doru,>> sau. Ko kepotu sa kame bi suvere sa totonai sa ule votu mulenia mekana tadira na tugana na tasina si Josepa.
4 Beto isa sa pira sauniria i Josepa sira na tugana na tasina, <<Lame tata taqu,>> sau. Totonai qai lame tata tana sa, pira sauniria, <<Ara na tasimiu i Josepa sapi, isa qu vavai lagerenia pa Ijipi agou. 5 Ba munake takulangania beto munake tagigiri mulenigou mekamiu sa vei qu vavai lagerenisiu ara lani ura na Tamasa tu sa garunu valagere momoesiu sara ko mai tavasare sa na toa.
15 Beto sa ao memekaria na paparadi sa doru tugana beto sa lukana tatariria. Pa liguna isa poni sa ira na tugana na tasina sa qai parangia sisa.