1 Na Vavanau tadira na Jiu sa nake kirena sosoto ira na sakasa sosotodi pa noka, goto na ongudi gu na sakasa jongadi sa taringungutiniria na Tamasa. Kai muqisi vavakukuvu gu sa qai tavavakukuvunia doru totoso na doru vaituti aoro gu. Ba na Vavanau sake boka sosoto valiosoria sira na tinoni qai lame tana Tamasa. 2 Vei bi kai totoso gu bi tavalioso sa na dia sela sira na tinoni qai vatarasaea na Tamasa, poni sa baike kole roroqu takulangania ira pa monanadi sa na dia sela ko baike roiti gogojonia na vavakukuvu sira na tinoni. 3 Ba na vavakukuvu tugu ira sa doru aoro qai kole varoroquniria na dia sela sira na tinoni. 4 Ura na orungudi na bulumakau beto na qoti sa qaike boka sosoto vulasia sa na sela tadira na tinoni.