Lucas 21

Na Lame tana Tuna na Tinoni

25 <<Kaki vinagigila sa kode mina tabata pa tapo, pa popu, beto pa seru. Pa peso, ira na pupuku tinoni mai nyunyala ko mai kununu rura, ura mai matagutunia ira sa na ovangana na ivere beto na tovogo lalavata. 26 Mina vadigereria beto mai matagutu sira na tinoni totonai mai kole vera dogororia ira sira na sakasava ikeredi mai lame pa kasia gusu, ura ira na neqi pa vavagalo sa kode mai tajou vakanoko. 27 Ego pa liguna isa sa mai batia sa na Tuna na Tinoni mina bola pa lei, ko mina lame tavitia na neqi lavatana beto na kabere. 28 Ko totonai mina korapa podalai taroiti sa na roiti vevei pira sa muna turu gu ko muna enga sae ko muna gegelenia, ura sa tata gu mina bola votu lame sa na miu inaalo,>> sau si Jisu.