I Tamasa mi tavatarasae
33 Sa vaivagabara jola ai koi vei korina beto na lavatana sa na tavagigala beto na gigalai tana Tamasa!
I sei mina boka kori votuniria sira nona vivile,
beto i sei mina boka vakabereria sira nona soana!11.33 Aisea 45.15; 55.8.
34 I sei mai tu sa tei gigilaiona tu sa na roquna na Bangara?
Babi i sei mai tu sa tei tinoni totoli vania tu sisa?11.34 Aisea 40.13; Jobi 15.8; Jeremae 23.18; 1 Koriniti 2.16.
35 I sei sa tei iania mai tu kaki sakasava perangana sa na Tamasa,
ko na Tamasa bi bei vania sisa?11.35 Jobi 41.11.
36 Bi mija tu sa kai tinoni bi tei iai mai tu babi tei tolinia mai tu sa na Tamasa, ura tana gu qai koko vei ko isa gu sa vapodakaria beto ko isa gu sa korapa gaitiria sa doru sakasava. Ko tana gu mi lao sa na vinatarasae kamua na kamua. Agua.