1 Coríntios 11

24 अऊर परमेश्वर को धन्यवाद कर क् ओख तोड़ी अऊर कह्यो, "यो मोरो शरीर आय, जो तुम्हरो लायी दियो गयो हय: मोरो याद लायी योच करयो जाये।" 25 योच रीति सी ओन प्याला भी लियो अऊर कह्यो, "यो प्याला मोरो खून म नयी वाचा आय : जब कभी पीवो, त मोरो याद लायी योच करयो जाये।"

26 कहालीकि जब कभी तुम यो रोटी खावय अऊर यो प्याला म सी पीवय हय, त प्रभु की मृत्यु ख जब तक ऊ नहीं आय जाय, प्रचार करजे हय। 27 येकोलायी जो कोयी नियम को विरुद्ध प्रभु की रोटी खायेंन या ओको प्याला म सी पीयेंन, ऊ प्रभु को शरीर अऊर खून को पापी ठहरेंन। 28 येकोलायी आदमी अपनो आप ख परख लेवो अऊर योच रीति सी यो रोटी म सी खाये, अऊर यो प्याला म सी पी।