प्रेरितों 16

पौलुस अऊर सीलास जेलखाना म

16 जब हम प्रार्थना करन की जागा जाय रह्यो होतो, त हम्ख एक दासी मिली जेको म भविष्य बतावन वाली दुष्ट आत्मा सी ग्रसित होती; अऊर लोगों को भविष्य बताय क अपनो मालिक लायी बहुत कुछ कमाय लेत होती। 17 वा पौलुस को अऊर हमरो पीछू आय क चिल्लावन लगी, "यो आदमी परमप्रधान परमेश्वर को सेवक आय, जो हम्ख उद्धार को रस्ता की कथा सुनावय हंय।" 18 ऊ बहुत दिन तक असोच करत रही; पर पौलुस दु:खी भयो, अऊर मुड़ क वा आत्मा सी कह्यो, "मय तोख यीशु मसीह को नाम सी आज्ञा देऊ हय कि ओको म सी निकल जा।" अऊर आत्मा उच समय निकल गयी।