दानिय्येल 9

24 "तोरो लोगों अऊर तोरो पवित्र नगर लायी सत्तर हप्ता ठह्यरायो गयो हय कि उन्को अन्त तक अपराध को होनो बन्द हो, अऊर पापों को अन्त अऊर अधर्म को प्रायश्चित करयो जाये, अऊर हमेशा हमेशा की धार्मिकता प्रगट हो; अऊर दर्शन की बात पर अऊर भविष्यवानी पर छाप दी जाये, अऊर पवित्र जागा को अभिषेक करयो जायेंन। 25 येकोलायी यो जान अऊर समझ ले, कि यरूशलेम ख फिर बसान की आज्ञा को निकलनो सी ले क अभिषिक्त*9:25 मसीह प्रधान को समय साल को सात हप्ता बीतेंन। फिर बासठ हप्ता बीतन पर चौक अऊर खायी सहीत ऊ नगर कष्ट को समय म फिर बसायो जायेंन। 26 साल को बासठ हप्ता को बीतन पर अभिषिक्त करयो हुयो आदमी काट्यो जायेंन : अऊर ओको हाथ कुछ नहीं लगेंन; अऊर आवन वालो प्रधान की प्रजा नगर अऊर पवित्र जागा ख नाश त करेंन। पर ऊ प्रधान को अन्त असो होयेंन जसो बाढ़ सी होवय हय; तब भी ओको अन्त तक लड़ायी होती रहेंन; कहालीकि ओको उजड़ जानो निश्चय ठान लियो गयो हय। 27 ऊ मुखिया सालों को एक हप्ता लायी बहुतों को संग मजबूत वाचा बांधेंन, पर सालों को आधोच हप्ता को बीतन पर ऊ मेलबलि अऊर अन्नबिल ख बन्द करेंन; अऊर सेंडा पर उजाड़न वाली बुरी चीजे दिखायी देयेंन अऊर निश्चयच ठनी हुयी बात को हप्ता होन तक परमेश्वर को गुस्सा उजाड़न वालो पर पड़्यो रहेंन।"✝9:27 दानिय्येल 1१:31; 1२:11; मत्ती 2४:15; मरकुस १३:१४