Lucas 9

57 जब हि रस्ता म जाय रह्यो होतो, त कोयी न यीशु सी कह्यो, "जित-जित तय जाजो, मय तोरो पीछू होय जाऊं।"

58 यीशु न ओको सी कह्यो, "लोमड़ियों को गुफा अऊर आसमान को पक्षिंयों को घोसला होवय हंय, पर आदमी को बेटा ख मुंड लूकान की भी जागा नहीं।"

59 यीशु न दूसरों सी कह्यो, "मोरो पीछू होय जा।" ओन कह्यो, "हे प्रभु, मोख पहिले जान दे कि अपनो बाप ख गाड़ देऊ।"

60 यीशु न ओको सी कह्यो, "मरयो हुयो ख अपनो मुर्दा गाड़न दे, पर तय जाय क परमेश्वर को राज्य को सुसमाचार प्रचार कर।"

61 कोयी अऊर न भी कह्यो, "हे प्रभु, मय तोरो पीछू होय जाऊं; पर पहिले मोख जान दे कि अपनो घर को लोगों सी बिदा ले लेऊ।"

62 यीशु न ओको सी कह्यो, "जो कोयी अपनो हाथ नांगर पर रख क पीछू देखय हय, ऊ परमेश्वर को राज्य को लायक नहाय।"