Marcos 8

यीशु न बैतसैदा नगर म अन्धा ख चंगो करयो

22 हि बैतसैदा नगर म आयो; अऊर कुछ लोग एक अन्धा ख यीशु को जवर लायो अऊर ओको सी बिनती करी कि ओख छूव। 23 ऊ अन्धा को हाथ पकड़ क ओख गांव को बाहेर ले गयो, अऊर ओकी आंखी म थूक लगाय क ओको पर हाथ रख्यो, अऊर ओको सी पुच्छ्यो, "का तय कुछ देख सकय हय?"

24 ओन ऊपर देख क कह्यो, "मय आदमी ख देखूं हय; हि मोख चलतो हुयो झाड़ को जसो लग रह्यो हय।"

25 तब यीशु न दुबारा ओकी आंखी पर हाथ रख्यो, अऊर ओकी आंखी की रोशनी लौट आय गयी, अऊर सब कुछ साफ साफ देखन लग्यो। 26 यीशु न ओख यो कह्य क घर भेज्यो, "दुबारा यो गांव म सी मत जाजो सीधो घर जा।"