मत्ती 4

यीशु को चारयी मछवारों ख बुलावनो

18 गलील की झील को किनार फिरतो हुयो यीशु न दोय भाऊवों यानेकि शिमोन ख जो पतरस कहलावय हय, अऊर ओको भाऊ अन्द्रियास ख झील म जार डालतो हुयो देख्यो; कहालीकि हि मछवारा होतो। 19 यीशु न उन सी कह्यो, "मोरो पीछू चली आवो, त मय तुम्ख लोगों ख परमेश्वर को राज्य म लावन लायी सिखाऊं।" 20 हि तुरतच जार ख छोड़ क ओको पीछू भय गयो।

21 उत सी आगु जाय क, यीशु न अऊर दोय भाऊवों ख यानेकि जब्दी को बेटा याकूब अऊर ओको भाऊ यूहन्ना ख देख्यो। हि अपनो बाप जब्दी को संग डोंगा पर अपनो जारो ख सुधारत होतो। ओन उन्ख भी बुलायो। 22 हि तुरतच डोंगा अऊर अपनो बाप ख छोड़ क ओको पीछू भय गयो।