मत्ती 9

रोमी अधिकारी की मरी बेटी अऊर बीमार बाई

18 ऊ उन्को सी यो बाते कह्यच रह्यो होतो, कि देखो, एक मुखिया न आय क ओख प्रनाम करयो अऊर कह्यो, "मोरी बेटी अभी मरी हय, पर चल क अपनो हाथ ओको पर रखजो, त वा जीन्दी होय जायेंन।"

19 यीशु उठ क अपनो चेलावों को संग ओको पीछू भय गयो।

20 अऊर देखो, एक बाई न जेक बारा साल सी खून बहन कि बीमारी होती, पीछू सी आय क ओको कपड़ा को कोना ख छूय लियो। 21 कहालीकि वा अपनो मन म कहत होती, "यदि मय ओको कपड़ा ख छूय लेऊ त चंगी होय जाऊं।"

22 यीशु न मुड़ क ओख देख्यो अऊर कह्यो, "बेटी हिम्मत रख; तोरो विश्वास न तोख चंगो करयो हय।" येकोलायी वा बाई उच घड़ी चंगी भय गयी।

23 जब यीशु ऊ मुखिया को घर म पहुंच्यो अऊर पेपाड़ी बजावन वालो अऊर भीड़ ख हल्ला मचावत देख्यो, 24 तब कह्यो, "हट जा, बेटी मरी नहाय, पर सोय रही हय।" याच बात पर हि ओकी मजाक उड़ावन लग्यो। 25 पर जब भीड़ ख बाहेर निकाल दियो त यीशु अन्दर जाय क बेटी को हाथ पकड़्यो अऊर वा जीन्दी भय गयी। 26 अऊर या बात की चर्चा ऊ पूरो देश म फैल गयी।