Gênesis 45

Ёсиф путэрдёл аври англа пэскэ прал

1 Атунчи Ёсиф наштык май бут рыбдыяс тэ на путэрдёл пэскэ пралэнгэ англа пэскэ ажутора ай цыписардас:

— Жянтар саворэ мандар!

Кхоник нас лэ Ёсифоса, кана вов путэрдилас пэскэ пралэнгэ. 2 Вов рутас кадэ зуралэс, кэ шундэ лэс египтянура. Ай ви фараоноско челэдо шундас па кадо. 3 Ёсиф пхэндас пэскэ пралэнгэ:

— Мэ сым Ёсиф! Жювиндой инкэ муро дад?

Лэ прал наштык ворбинас, кэ са муцысайлэ ай лас-пэ лэнги щиб даратар англа лэстэ.