3 Mùlembelewa hoti mumale kuva, maduva la ntululilo vàmbekwida vanu vambeikâla kwa kupapata ditama dyavo vene. Vàmbentendelanga mwenu mang’wanyu, 4 uvahaula kuchidoni, "Ániahidi kuva àmbekwida! Hambi àvele kwachi? Kwa kuva, anakuluvenu vànihilanga, henga vitukutuku vyammalele vìvele chihi uchila chivinavele kutandikila pachiumbwije chilambo." 5 Vanu anevo vàlivalila namadi kuva kutandikila anepo kala Nnungu átangwele chihi lilove, koka chilambo na kumahunde nkupwawa. Chilambo chíumbwije kwa kuhumila mmedi na kwa indila ya medi. 6 Na kwa medi, vanu va chilambo cha kala vániondongwa kwa livambwe. 7 Henga kwa amuli ya Nnungu, chilambo cha vino na kumahunde, avi vìniungulwa kwajili ya moto. Vìniungulwa mpaka liduva livambehukumiwa vanu vatênda lahakalenge na kwondongwa.