Matendo 18

Paolo aneko ku Kolinso

1 Bada ya anelo, Paolo nkuuka pa Asene nkuhwena ya ku Kolinso. 2 Aneko nkunankoja Nnyahudi yumo lina lyake Akila, mwenedi wa ku Ponto. Aneyo Akila pamo na n’jawe uvanchema Pilisila, vákamwele mmaduva ulolo kuhaloka ku Italiya, ing’anya Nfalume wa Loma uvanchema Kilaudiyo ávalaijije Vayahudi vammalele vauke muimanga ya Loma. Na Paolo ápite unavalola, 3 na kwa kuva vanang’o vávele akútota dihema muchi nang’e, Paolo nkuva waikala kwavo akuno uvakola madengo.