12 Henga Galiyo panavele nkulu wa chilambo cha Akaya, Vayahudi vánilundana na kunnyapatanila Paolo, nkunkamula na kumpelekeja kulukumbi. 13 Nkunsitaki uvachidoni, "Munu ayuno àvakumba vanu vámwabùdù Nnungu kwa indila itindâna na sheliya." 14 Bahi Paolo pachichiatandilike kutangola, Galiyo nkuvahaulila Vayahudi kuchidoni, "Kuikavele umunsitaki ing’anya ya kutenda likosa au kutenda lahakalenge, mukaniva na ing’anya ya kupilikanwa. 15 Henga kwa kuva nni matahukano chihi kuyamba malove na malina na sheliya yenu, bahi malilana mwenu mmene. Nangu nikátamwa kuva nkúhumu wa vitukutuku anevyo!" 16 Bahi Galiyo nkuvavinganga nnukumbi. 17 Anepo Vayahudi vammalele nkunkamula Sosisene anavele nkulu wa ing’ande ya kunnyuwila Nnungu, nkumpanya upala palukumbi. Henga Galiyo nanga panajalite mambo anelo.
Publicidade