Vaeblaniya 10

37 Kwa kuva, malinga Malemba alano Lanaswe chilahaula kuva,

"Ùisalidile chihi uhiku kadiki namene,

na ayula alembelêwa kwida,

àmbeida na wala akambetima.

38 Henga vanu vangu vambone pameho pangu, vàmbekuva na umi kupitila ing’ulupa.

Henga vakàsuwa-suwa,

ntima wangu ukambevahangalalila."*10:38 Abakuki 2:3-4

39 Henga hwetu tukávele nnikuwa lya vanu anevo vasuwa-sûwa na kuyahika, ila hwetu nni tuvanu tuvêle nnikuwa lya vanu vavêle na ing’ulupa na vapôhwa.