Yesu njo indila ya kuhwena kwa Atata
1 Yesu nkuvahaulila vakuhundwa vake kuchidoni, "Mwenu wala munakambekambe mmitima mwenu. Nkulupilange Nnungu, na ngukulupilange na nangu mwalehu.
16 Na nangu nguchininnyuwe Atata Nnungu, nanang’e achiamwing’e mwenu Nkúyangata yunji, aikale na mwenu bila ntululilo. 17 Nang’e nni Umumu wa uhiu. Vanu va pachilambo vakáhulula kumpwechela, kwa kuva vakámwona na wala vakámmaite. Henga mwenu mùnimmala kwa kuva àikala pamo na mwenu na àmbekuva nkati mwenu.
18 Nikambennekanga mwenu mùùve muchi mmana vachiva, henga nguchinimwidile mwenu.
26 Henga Atata Nnungu àmbentuma Nkúyangata kwa niaba yangu, yani Umumu Wanaswe. Na aneyo Umumu achiannyunde kila chinu na kunkumbusanga lammalele laninnyaulidile.14:26 Nsitali auno ùlembwije "àmbentuma mulina lyangu." Kuntuma munu mulina, mana lake, ahwene kwa niaba ya munu mwene lina anelyo.