Luka 1

28 Malaika nkummwenela, nkunnyaulila kuchidoni, "Disalamu dyako, wako ujaliwîje na Nnungu! Nang’olo àvele pamo na wako."

29 Maliya papilikene malove anelo muntima mwake nkukambakamba, nkuva waliuja kuva, "Disalamu anedyo dìvele na mana ntwani?" 30 Ayula malaika nkunyaulila kuchidoni, "Maliya unayope, kwa kuva, Nnungu ànikatapaliwa na wako. 31 Lola, ùmbekuva na chitumbo, na ùmbemmeleka mwana wa chilume, na lina lyake ùmbenchema Yesu.