Lucas 2

Kuvelekwa kwanga Yesu

1 Mmaduva anelo, Nfalume Agusto, ánavele nfalume nkulu wa Loma*2:1 Nsitali auno ùlembwije Kaisali, kuyamba lina lya cheo cha Nfalume nkulu wa Loma., álaijije vanu vammalele va vilambo víchitawaliwa na ufalume wa Loma, valembwe malina lavo mmitabu. 2 Na auno wávele mwanda ntandi wa kuvalangwa kwa vanu mmahiku àlalá Kuleniyo panavele nkulu wa chilambo cha ku Siliya. 3 Kila munu nkuhwena kuimanga yavelekwejije unalembwa lina lyake.

4 Yusufu nanang’e nkuuka kuimanga ya ku Nasaleti chilambo cha ku Galilaya, nkuhwena kuimanga ya ku Beselehemu ivêle nchilambo cha ku Yudeya, imanga yanavelekwejije Nfalume Daudi. Yusufu ápite aneko kwa kuva, ávelekwejije nnitawa lyanga Daudi. 5 Yusufu ápite unalembwa pamo na Maliya mmahe wachimposa, ánavele na chitumbo.