Mateus 18

Kun’duma munu atendîle sambi

15 "Nkúkulupila nnyako akàkutendela lahakalenge, hwena ukan’dume, wako na nang’e weka. Akàkupilikana ìmbekuva ùnimpata kavila nnyako. 16 Henga akànakupilikane, ntwale munu yumo au vavili uhwene navo, uchinga ììve muchi Malemba Lanaswe chilahaula kuva, kila lilove limaihwe kwa mashahidi vavili au vatatu. 17 Akàlema kuvapilikana vanang’o, bahi lihaulile likuwa lya vanu vangukulupîla, na akàlema kulipilikanila likuwa lya vanu vangukulupîla, lekana nawe malinga chimutenda kwa munu akámmaite Nnungu au nkútwala kodi.

18 Nangu nìnnyaulilanga kavila kuva, lyohelyo limumbelihunga pachilambo lìmbehungwa na kulihunde, na lyohelyo limumbelihungula pachilambo lìmbehunguliwa na kulihunde. 19 Nangu nìnnyaulilanga uhiu kavila kuva, vanu vavili mmwenu vakàyambukilana pachilambo kuyuwa chinu chohecho, Atatangu wa kulihunde achiavatendele. 20 Kwa kuva, pachinu pohepo pavakojana vanu vavili au vatatu ing’anya yang’une, nangu mbèpamo na vanang’o."