യെശയ്യാവു 53:4-6,11,12

Em outras traduções

1. IRVMAL Indian Revised Version (IRV) - Malayalam

   4 സാക്ഷാൽ നമ്മുടെ രോഗങ്ങളെ അവൻ വഹിച്ചു;

   നമ്മുടെ വേദനകളെ അവൻ ചുമന്നു;

   നാമോ, ദൈവം അവനെ ശിക്ഷിച്ചും അടിച്ചും

   ദണ്ഡിപ്പിച്ചുമിരിക്കുന്നു എന്നു വിചാരിച്ചു.

   5 എന്നാൽ അവൻ നമ്മുടെ അതിക്രമങ്ങൾനിമിത്തം മുറിവേറ്റും

   നമ്മുടെ അകൃത്യങ്ങൾനിമിത്തം തകർന്നും ഇരിക്കുന്നു;

   നമ്മുടെ സമാധാനത്തിനായുള്ള ശിക്ഷ അവന്‍റെമേൽ ആയി

   അവന്‍റെ അടിപ്പിണരുകളാൽ*53:5 അടിപ്പിണരുകളാൽ മറ്റ് വിവർത്തനങ്ങളിൽ മുറിവുകൾ, ക്ഷതം എന്നും കാണാം. നമുക്കു സൗഖ്യം വന്നുമിരിക്കുന്നു.

   6 നാം എല്ലാവരും ആടുകളെപ്പോലെ തെറ്റിപ്പോയിരുന്നു;

   നാം ഓരോരുത്തനും അവനവന്‍റെ വഴിക്കു തിരിഞ്ഞിരുന്നു;

   എന്നാൽ യഹോവ നമ്മുടെ എല്ലാവരുടെയും അകൃത്യം

   അവന്‍റെമേൽ ചുമത്തി.

   11 അവൻ തന്‍റെ പ്രയത്നഫലം കണ്ടു തൃപ്തനാകും;

   നീതിമാനായ എന്‍റെ ദാസൻ തന്‍റെ പരിജ്ഞാനംകൊണ്ടു പലരെയും നീതീകരിക്കും;

   അവരുടെ അകൃത്യങ്ങളെ അവൻ വഹിക്കും.

   12 അതുകൊണ്ട് ഞാൻ അവനു മഹാന്മാരോടുകൂടി ഓഹരി കൊടുക്കും;

   ബലവാന്മാരോടുകൂടി അവൻ കൊള്ള പങ്കിടും;

   അവൻ തന്‍റെ പ്രാണനെ മരണത്തിന് ഒഴുക്കിക്കളയുകയും

   അനേകം പേരുടെ പാപം വഹിച്ചും

   അതിക്രമക്കാർക്കു വേണ്ടി ഇടനിന്നുംകൊണ്ട്

   അതിക്രമക്കാരോടുകൂടി എണ്ണപ്പെടുകയും ചെയ്യുകയാൽ തന്നെ.

2. OMCV Versão Contemporânea Aberta em Malaiala

   4 നിശ്ചയമായും അവൻ നമ്മുടെ രോഗങ്ങളെ വഹിച്ചു,

   നമ്മുടെ വേദനകളെ അവൻ ചുമന്നു.

   ദൈവമാണ് അവനെ ശിക്ഷിച്ചതും അടിച്ചതും

   പീഡിപ്പിച്ചതും എന്നു നാം കരുതി.*53:4 അതായത്, അവന്റെ തെറ്റുകൾക്കുള്ള ശിക്ഷയാണ് അവൻ അനുഭവിച്ചത് എന്നു നാം കരുതി.

   5 എന്നാൽ നമ്മുടെ ലംഘനങ്ങൾക്കുവേണ്ടിയാണ് അവൻ മുറിവേറ്റത്,

   നമ്മുടെ അകൃത്യങ്ങൾനിമിത്തമാണ് അവൻ തകർക്കപ്പെട്ടത്.

   നമ്മുടെ സമാധാനത്തിനുവേണ്ടിയുള്ള ശിക്ഷ അവന്റെമേൽ പതിച്ചു,

   അവൻ സഹിച്ച മുറിവുകളാൽ നാം സൗഖ്യം പ്രാപിച്ചിരിക്കുന്നു.

   6 നാമെല്ലാവരും ആടുകളെപ്പോലെ തെറ്റിയലഞ്ഞിരുന്നു,

   നാമോരോരുത്തനും നമ്മുടെ സ്വന്തം വഴിക്കു തിരിഞ്ഞു;

   എന്നാൽ യഹോവ നമ്മുടെയെല്ലാവരുടെയും

   അകൃത്യം അവന്റെമേൽ ചുമത്തി.

   11 അവന്റെ പീഡാനുഭവത്തിനുശേഷം

   അവൻ ജീവന്റെ പ്രകാശം*53:11 ചി.കൈ.പ്ര. ഈ വാക്യഭാഗം കാണുന്നില്ല. കണ്ട് സംതൃപ്തനാകും;

   തന്റെ പരിജ്ഞാനത്താൽ നീതിമാനായ എന്റെ ദാസൻ പലരെയും നീതീകരിക്കും,

   അവരുടെ അകൃത്യങ്ങളെ അവൻ വഹിക്കും.

   12 അതുകൊണ്ട് ഞാൻ അവനു മഹാന്മാരോടൊപ്പം അവകാശം കൊടുക്കും,

   ശക്തരോടുകൂടെ അവൻ കൊള്ളമുതൽ പങ്കുവെക്കും,

   അവൻ തന്റെ പ്രാണനെ മരണത്തിന് ഒഴുക്കിക്കളകയും

   അധർമികളുടെ കൂട്ടത്തിൽ എണ്ണപ്പെടുകയും ചെയ്തതിനാൽത്തന്നെ.

   കാരണം അവൻ അനേകരുടെ പാപം വഹിക്കുകയും

   അതിക്രമക്കാർക്കുവേണ്ടി മധ്യസ്ഥത വഹിക്കുകയുംചെയ്തല്ലോ.