യോനാ 2:3-6,9,10

Em outras traduções

1. IRVMAL Indian Revised Version (IRV) - Malayalam

   3 നീ എന്നെ സമുദ്രത്തിന്‍റെ ആഴത്തിൽ ഇട്ടുകളഞ്ഞു;

   പ്രവാഹങ്ങൾ എന്നെ ചുറ്റി;

   നിന്‍റെ ഓളങ്ങളും തിരകളുമെല്ലാം

   എന്‍റെ മീതെ കടന്നുപോയി.

   4 നിന്‍റെ ദൃഷ്ടി എന്നിൽ നിന്നു നീക്കിയിരിക്കുന്നു;

   എങ്കിലും ഞാൻ നിന്‍റെ വിശുദ്ധമന്ദിരത്തിങ്കലേക്കു നോക്കിക്കൊണ്ടിരിക്കും എന്നു ഞാൻ പറഞ്ഞു.

   5 വെള്ളം എന്‍റെ പ്രാണനോളം എത്തി,

   ആഴി എന്നെ ചുറ്റി,

   കടൽപുല്ല് എന്‍റെ തലപ്പാവായിരുന്നു.

   6 ഞാൻ പർവ്വതങ്ങളുടെ അടിവാരങ്ങളോളം ഇറങ്ങി,

   ഭൂമി തന്‍റെ ഓടാമ്പലുകളാൽ എന്നെ സദാകാലത്തേക്കും അടെച്ചു.

   എങ്കിലും എന്‍റെ ദൈവമായ യഹോവേ,

   നീ എന്‍റെ പ്രാണനെ പാതാളത്തിൽ നിന്ന് കയറ്റിയിരിക്കുന്നു.

   9 ഞാനോ സ്തോത്രനാദത്തോടെ നിനക്ക് യാഗം അർപ്പിക്കും;

   നേർന്നിരിക്കുന്നതു ഞാൻ നിറവേറ്റും.

   രക്ഷ യഹോവയിൽ നിന്നു തന്നെ വരുന്നു."

   10 അപ്പോൾ യഹോവ മത്സ്യത്തോടു കല്പിച്ചു. അത് യോനയെ കരയ്ക്ക് ഛർദ്ദിച്ചു.

2. OMCV Versão Contemporânea Aberta em Malaiala

   3 ഇതാ, അവിടന്ന് എന്നെ അഗാധതയിലേക്ക്,

   സമുദ്രത്തിന്റെ ആഴത്തിലേക്കുതന്നെ ചുഴറ്റിയെറിഞ്ഞു.

   വൻപ്രവാഹം എന്നെ വലയംചെയ്തു.

   അങ്ങയുടെ എല്ലാ തിരമാലകളും വൻ‍തിരകളും

   എന്റെ മുകളിലൂടെ കടന്നുപോയി.

   4 ‘അങ്ങയുടെ ദൃഷ്ടിയിൽനിന്ന്

   എന്നെ ആട്ടിപ്പായിച്ചിരുന്നു;

   എങ്കിലും അങ്ങയുടെ വിശുദ്ധമന്ദിരത്തിലേക്കുതന്നെ

   ഞാൻ വീണ്ടും നോക്കിക്കൊണ്ടിരിക്കും’ എന്നു ഞാൻ പറഞ്ഞു.

   5 പ്രാണഭയത്തിലാകുംവിധം ഞാൻ വെള്ളത്തിൽ മുങ്ങിപ്പോയി,

   ആഴിയുടെ അഗാധത എന്നെ വലയംചെയ്തു,

   എന്റെ തലയിൽ കടൽപ്പായൽ ചുറ്റിപ്പിടിച്ചു.

   6 സമുദ്രത്തിൽ പർവതങ്ങളുടെ അടിവാരംവരെയും ഞാൻ മുങ്ങിപ്പോയി;

   അവിടെ ഞാൻ ഭൂമിയുടെ അടിത്തട്ടിൽ സദാകാലത്തേക്കും ബന്ധിതനായിരുന്നു.

   എങ്കിലും, എന്റെ ദൈവമായ യഹോവേ,

   ആ അഗാധതയിൽനിന്ന് എന്നെ കയറ്റി അങ്ങ് എനിക്കു ജീവൻ തിരികെ നൽകിയിരിക്കുന്നു.

   9 ഞാനോ, സ്തോത്രാലാപനത്തോടെ അങ്ങേക്ക്

   യാഗം അർപ്പിക്കും.

   ഞാൻ നേർന്നതു നിറവേറ്റുകയും ചെയ്യും.

   രക്ഷവരുന്നത് യഹോവയിൽനിന്നുമാത്രമാണല്ലോ."

   10 തുടർന്ന് യഹോവ മത്സ്യത്തോട് ആജ്ഞാപിച്ചപ്പോൾ, അത് യോനായെ കരയിലേക്കു ഛർദിച്ചിട്ടു.