Ion 15

Iesusa ma wain ŋgatɨk gidik ŋgoin

1 Karica Iesusa gaind mac mbopatna, "Aku ndo aku wain ŋgatɨk gidik ŋgoin. Na aukna Aetta ma an wain warɨŋna aet. 2 ✝15.2: Mt 3.10, na 15.13Na aukna ŋaikca er ŋgocor te, anna Aetta mo kecarirenan. Na an ŋaikca errenanna, Aetta ma minmo mataurenan, na minmo moa laŋa mo te, mina amta reik wɨtta matau ernandet. 3 ✝15.3: In 13.10, na 17.17, na Epe 5.26, na 1 Pi 1.22Na ne rat ndarurina. Na an kamma aku nenmo neaŋgeknanna ma nenmo moa ratrina. 4 ✝15.4: In 6.56, na Kol 1.23, na 1 Io 2.6Na ne aukap mɨk te, aku nenap mɨknandet. Na wainna ŋaikca wainna ŋgatɨkca mɨk ŋgocor te, mina mba eritndai. Na anna tɨpna kirar kabea, ne aukmo mɨk ŋgocor te, ne toco amta reikca mba eritndai.

5 ✝ 15.5: Osi 14.8, na In 15.16, na 2 Ko 3.5, na Pil 1.11, na 4.13 "Na aku ndo wain ŋgatɨk, na ne ŋgatɨk wainna ŋaik. Na ramootta aukmo mɨkca, na aku mana mɨk te, ma amta reik wɨt ŋgernandet. Na ne aukmo tɨkcari te, ne reac ianna mba moitndai. 6 ✝15.6: Mt 3.10, na 7.19, na 13.42Na ramoot ianna aukmo mɨk ŋgocor te, mina manmo ik ŋaca mo kecarirena kirara mina manmo ainda monandet, na ma gurunandet. Na ainta ŋgatɨk ŋaikca mina aŋgɨ punica taca ke mbukca wɨrrenan.

7 ✝ 15.7: Mt 7.7, na In 14.13-14, na 15.16, na 16.23 "Na ne aukmo mɨk te, na aukna kambca nenapa eacrenan, ne ndorita toŋtoŋgarta mɨnna reikta digi te, an reikca ne mboprina kirar ndarunandet. 8 ✝15.8: Mt 5.16, na In 8.31, na Pil 1.11Na ne amta reik wɨt ŋgera aukna iŋa raŋgairena ramtaɨr ndeacnande. Na an tɨpna kirar mbuŋa aukna Aetta ma i aniac aŋgɨnandet.