1 Reis 18

ሉማሢ ዎዶኮ ጋፖ

41 ዬካፓ ዔኤሊያሴ ካኣቲ ዓክዓቤ ኮይላ፦ «ዓካሪ ዴንዲ ሙኡዚያ ሙዒ ዋኣሢያ ዑሽኬ፤ ታኣኒ ሃሢ ዼኤፒ ዒርዚኮ ጉጉንሢ ዑኡሲ ዋይዛኔ» ጌዔኔ። 42 ዓክዓቤ ዒማና ሙዖ ሙዓኒና ዋኣፆ ዑሽካኒ ዴንዳዛ፥ ዔኤሊያሴ ቄርሜሎሴ ዹኮ ኬስኬኔ፤ ዒኢካ ዒዚ ፔኤኮ ቶኮ ባኣካ ቶኦኮ ዳኪ ቁኡሉምቤኔ፤ 43 ዬካፓ ዒዛኮ ዓይላሢ ኮይላ ዒዚ፦ «ዴንዲ ሂንዳ ባዞ ባንሢ ዛጌ!» ጌዔኔ።

ዓይላሢ ዒማና ዴንዲ ማዒ ሙካዖ፦ «ጴዻ ባኣዚ ባኣሴ» ጌዔኔ፤ ዓይላሢ ላንካይ ማይንቲ ዴንዲ ዴንዲ ዛጋንዳጉዲ ዔኤሊያሴ ዒዛ ዓይሤኔ፤

44 ላንካሶ ዒ ዴንዲ ሙካዖ፦ «ዓሲኮ ኩቺ ጋርሲፓ ባሹዋ፥ ዻካ ሻኣሬ ባዛፓ ዔቃንቴ ታ ዴንቄኔ» ጌዔኔ። ✝18፡44 ያይ. 5፡18።

ዔኤሊያሴ ዬያ ዓይላሢ፦ «ካኣቲ፥ ዓክዓቤ ኮይላ ዴንዲ ‹ዒራ ኔኤኮ ካሮ ቲቁዋንቴ ዑኬና ሳርጌሎ ዖይቶ ቶጊ ኔ ማኣሪ ማዒ ዴንዴ› ጌይ ኬኤዜ» ጌዒ ዓይሤኔ።

45 ዻካ ጋዓዖ ጫሪንጮ ካርሢ ሻኣሬ ሙኪ ባይዜኔ፤ ዢባሬያ ዢባርሼም ዶዲ ዒርዚ ዋዺ ዓርቄኔ፤ ዒማና ካኣቲ፥ ዓክዓቤ ሳርጌሎ ዖይቶ ቶጊ ዒይዚራዔኤሌ ዴንዴኔ፤