1 ሳሙዔኤሌ ማፃኣፖ 16

11 «ዋይዜ፤ ሜሌ ናይ ኔኤኮ ባኣዓዳ?» ጌይ ዖኦጬኔ።

ዒሴዬ ዒማና፦ «ሃኣቶ ቢያሢኮ ጌኤዚስኬይ ዓኣኔ፤ ዬይ ሃሢ ማራይ ሄንቃኒ ዓኣዺ ዓኣኔ» ጌዔኔ።

ሳሙዔኤሌ፦ «ሂንዳ ዒዛ ዔኤሊሲ ዔኪ ዬዔ፤ ዒዚ ሙኩዋንቴ ፆኦሲም ዒንጎ ባኮ ኑ ሺኢሻዓኬ» ጌዔኔ። 12 ዬያሮ ዒሴዬ ዓሲ ዳኪ ዒዛ ዔኤሊሲ ዔኪ ሙኬኔ፤ ዬይ ናዓሢ፦ ዞቄ፥ ሚዛጲ ሃሣ ዓኣፓኣ ጌኤሺ ዊሪር ጋዓያ ዼጌኬ፤ ዒማና ናንጊና ናንጋ ጎዳ ሳሙዔኤሌም፦ «ታ ዶኦሜሢ ሃያታሢሮ ዔቂ ሃያ ቲሽኬ!» ጋዓዛ፥ 13 ሳሙዔኤሌ ሪሚቶ ዛይቶ ኩንሦና ጉራኖ ዔኪ ጌርሲንሢኮ ቤርታ ዳውቴ ቲሽኬኔ፤ ዬማና ኔኔጉዋዖ ናንጊና ናንጋ ጎዳኮ ዓያና ዳውቴ ዑፃ ኬዴኔ፤ ዬማፓ ዓርቃዖ ጎዳኮ ዓያና ዒዛፓ ዱማዺባኣሴ፤ ዬካፓ ሳሙዔኤሌ ራኣማ ማዒ ዴንዴኔ።