1 ሳሙዔኤሌ ማፃኣፖ 3:4-10

4 ናንጊና ናንጋ ጎዳ ሳሙዔኤሌ ዔኤላዛ ሳሙዔኤሌ «ዮኦ!» ጌይ ዬሄኔ። 5 ዬካፓ ዔኤሊ ኮይላ ጳሽኪ ዴንዲ፦ «ኔ ታና ዔኤሌሢሮ ሃይሾ ታ ሙኬኔ!» ጌዔኔ።

ዔኤሊ ጋዓንቴ «ታ ኔና ዔኤሊባኣሴ፤ ጊንሣ ዴንዲ ላሄ» ጋዓዛ፥ ሳሙዔኤሌ ዴንዲ ላሄኔ።

6,7 ናንጊና ናንጋ ጎዳ ጊንሣ ሃሣ ሳሙዔኤሌ ዔኤሌኔ፤ ጋዓንቴ ናንጊና ናንጋ ጎዳ ሃያኮ ቤርታ ዒዛም ኬኤዚ ቤቂባኣሢሮ ዒዛ ዔኤላሢ ናንጊና ናንጋ ጎዳታሢ ሳሙዔኤሌ ዔሪባኣሴ፤ ዬያሮ ዔቂ ዔኤሊ ኮይላ ሙካዖ፦ «ኔ ታና ዔኤሌሢሮ ሃይሾ ታ ሙኬኔ!» ጌዔኔ።

ዔኤሊ ማሃዖ፦ «ታናዓሦ! ታ ኔና ዔኤሊባኣሴ፤ ጊንሣ ዴንዲ ላሄ» ጌዔኔ።

8 ላሚ ሃሣ ሃይሣሲ ናንጊና ናንጋ ጎዳ ሳሙዔኤሌ ዔኤላዛ፥ ሳሙዔኤሌ ዔቂ ዔኤሊ ኮይላ ሙካዖ፦ «ኔ ታና ዔኤሌሢሮ ሃይሾ ታ ሙኬኔ» ጌዔኔ።

ሳሙዔኤሌ ዔኤላሢ ናንጊና ናንጋ ጎዳታሢ ዬካፓ ዔኤሊ ዔሬኔ፤ 9 ዬያሮ ዔኤሊ፦ «ኔ ላሃ ቤዞ ዴንዴ፤ ዓካሪ ላሚ ኔና ዔኤሌያ ማዔቴ ‹ናንጊና ናንጋ ጎዳሢዮ! ኔ ዓይላሢ ዋይዛኔ ኬኤዜ› ጌዔ» ጌይ ሳሙዔኤሌ ዞራዛ፥ ሳሙዔኤሌ ዒ ላሃ ቤዞ ማዒ ዴንዴኔ።

10 ናንጊና ናንጋ ጎዳ ዒኢካ ሙኪ ዔቃዖ፥ ሃያኮ ቤርታ ዔኤላ ጎይፆ፦ «ሳሙዔኤሌ! ሳሙዔኤሌ!» ጌይ ዔኤሌኔ።

ሳሙዔኤሌ ዒማና፦ «ኔ ዓይላሢ ዋይዛኔ ኬኤዜ» ጌዔኔ።