Mateus 5

ጎኔ ዎዛ

3 «ፆኦሲዳ ጉሙርቂፆ ጌሢ ፔና ሂርኪዳዞንሢ

ፆኦሲ ካኣቱማ ዔያቶም ማዔሢሮ ዓንጂንቴያኬ።

4 ዖያዞንሢ

ፆኦሲ ዔያቶም ዶዱሞ ዒንጋንዳሢሮ ዓንጂንቴያኬ። ✝5፡4 ዒሲ. 61፡2።

5 ዒኖ ሼሌዔዞንሢ

ዓጮ ዔያታ ዔካንዳሢሮ ዓንጂንቴያኬ። ✝5፡5 ዓይኑ. 37፡11።

6 ፂሉሞ ካሣጉዲ ናይዺንታዞንሢና

ዋኣሢጉዲ ዼኤቢንታዞንሢ

ፂሉሞ ዴንቂ ዔያታ ሃውሻንዳሢሮ ዓንጂንቴያኬ። ✝5፡6 ዒሲ. 55፡1-2።

7 ዻቤ ዓሲም ዓቶም ጋዓዞንሢ

ፆኦሲዳፓ ማኣሪሢ ዔያታ ዴንቃንዳሢሮ ዓንጂንቴያኬ።

8 ዒኖ ጌኤዦንሢ

ፆኦሲ ዔያታ ዛጋንዳሢሮ ዓንጂንቴያኬ። ✝5፡8 ዓይኑ. 24፡3-4።

9 ፑርቴ ዓሲ ዎላ ቡኩሳዞንሢና ካንሣዞንሢ

ፆኦሲ ናይ ዔያታ ጌይንታሢሮ ዓንጂንቴያኬ።

10 ፂሉሞሮ ጌዒ ዒፂንቲ ዳኪንታዞንሢና ሜቶ ዔካዞንሢ

ፆኦሲ ካኣቱማ ዔያቶም ማዔሢሮ ዓንጂንቴያኬ። ✝5፡10 1ጴፂ. 3፡14።

11 «ዓሳ ዒንሢ ታ ዛሎሮ ጫሽኪ፥ ዒፂ ዳካያ ማዔቴ ሃሣ ፑርታ ሉኡዙሞ ዒንሢዳ ጌስቴቴያ ዒንሢ ዓንጂንቴያኬ። ✝5፡11 1ጴፂ. 4፡14። 12 ጫሪንጮይዳ ዒንሢ ዬያ ዛሎሮ ዔካንዳ ባካ ዼኤፒታሢሮ ኮሺ ዎዛዹዋቴ፤ ሃያኮ ቤርታ ፆኦሲ ማሊፆ ኬኤዛዞንሢያ ዬያይዲ ዒፂ ዳኮናኔ።» ✝5፡12 2ፆኦሲ. ዓሃኬ 36፡16፤ ዳኪ. ማዾ 7፡52።