1 Coríntios 2

ሶትንቴዝ ክርስቶሳ ባጋ

1 ታ እሹን፥ ታኒ ቲና ጾሳ ቃላ ይንትስ ኦድታታር የኤዝ ዎደ ዶና ቢላሞትራኔ ኤጨትር የኤካያ። 2 ታኒ ይንታር የዛ ዎደ ማዝቃለል አፋ ሶትንቴዝ የሱስ ክርስቶሳፕ አትን ሀራ ባዝ ኤራም ግ ታ ሙርቴዛ። 3 ታ ይንታር የዝ ዎደ ዳቡራር፥ ያሻራኔ ኩኩርሳር የዛ።✝2:3 ሀዋ. ኦ. 18:9 4 ታ ኪታኔ ታ ትምርታ ዶና ቢላሞትራኔ ኤጨትር ባዝን ጌሻ አያና ዎልቃ ቆንጭስራ። 5 የይካ፥ ይ አማናይ ጾሳ ዎልቃይራፕ አትን አስ ኤጨትል ካታማይ ጋርከሲ።

ጾስ ኤጨት

6 አያና ደኦር ድጬዝታይስ ኑኒ ኤጨት ቃላር ኦድዛ። ዝን Ꮊ ኤጨትይ፥ Ꮊ ሳአ ኤጨት ዎይ ቦስ የዝ Ꮊ ሳአ ሀርዝታይ ኤጨት ባያ። 7 ዝን ኑኒ ኦድዛ ኤጨትይ፥ ጋመ ዎደፕ ቲና ጾሳይ ኑ ቦንቻይስ ጊግሴዛኔ ጌማ የዝ ጹራ ኤጨት። 8 Ꮊ ሳአ ሀርዝታይፕ ፐታካ Ꮊ ኤጨት ኤረካያ። ኡንቲ ኤሬዝባዝ ማቄዛኮ፥ ቦንቾ ጎዳ ማዝቃለል አፋ ሶታምዝን። 9 ዝን ጌሻ ማጻፋይድ፥

«ኣፈ በኤካ ባዝ፥

ሀየ ስኤካባዝ፥

ዎዝና ቆፐካባዝ፥

ጾሳይ ፋ ዶስዝታይስ ጊግሴዛ» ዬግዛ።✝2:9 ኢሳ. 64:4

10 ጾሳይ ፋ ጹራ ፋ አያና ባጋር ኑስ ቆንጭሴዛ። ጌሻ አያናይ ሀራ አቶዝን ጌሜዝ ጾስ ጹራ ኡባ ፕላግዛ። 11 አስ ጋንጨ የዝ አስ አያናፕ አትን አስባዝ ኦካ ኤሮያ። የይ ጋርከካ፥ ጾስ ባዝ ጾስ አያናፕ አትን ኦካ ኤሮያ። 12 ጾሳይ ኑስ ጨረ እንጌዝባዝ ኑ ኤሮዳይ ጋርክ ጾሳ አያና ኤኬዛፕ አትን Ꮊ ሳአ አያና ኤከካያ።

13 ኑኒ አያና ባዝ፥ አያና አሳይስ አስ ኤጨትር ባዝን ጾስ አያናይ እንግዛ ኤጨትር ታማርስዛ። 14 ዝን ጌሻ አያና ባ አስ ጾስ አያና እሞትታ ኤካሚ። የይ ኤስ ቦዘት፤ ኡባይ ጌሻ አያናር ፕላግንትዝ ግሾስ ኤ ኤሮዳይስ ዳንዳኦያ። 15 ዝን ጌሻ አያና የዝ አሲ ኡባ ባዝ ፕላግዛ፥ ዝን ኤዛ ኦካ ፕላጎያ። 16 ጌሻ ማጻፋይድ፥

«ጎዳ ዎዝና ኤርዛይ ኦኖ?

ኤዛ ዞሮዳይስ ዳንዳእዛይ ኦኖ?»

ግንትንቲ ጻፍንቴዛይ ጋርከ። ኑስ ክርስቶሳ ዎዝና የዛ።✝2:16 ኢሳ. 40:13