Colossenses 4

1 ጎድታዮ፥ ይንትስካ ማ ሳሎ ጎድ የዛና ኤሪ፥ ይ አይልታይስ ጽሎትራኔ ፐታ ፐታይፕ ሻከካዛር አቅሶይታ።✝4:1 ኤፍ. 6:9

2 ጾሳ ሚንጊ ጋላትታር ጋቼካዛር ዎሶይታ። 3 ጾሲ ፋ ቃላ ፐንጋ ዶዮዳይ ጋርከኔ ታኒ ኤ ግሾስ አጭንቴዝ ክርስቶሳ ጹራ ማርካቶድ ጋርክ ኑስካ ዎሶይታ። 4 ማ ታካ ቤዝዛይ ጋርክ ቃላ ቆንጭስ ኦዶዳይ ጋርክ ታስ ጾሳ ዎሶይታ።

5 ዎዳ ዎዝታር አማኖዋ አሳይ ላንቀ ኤጨትር የዞይታ።✝4:5 ኤፍ. 5:16 6 ይ አስ ኡባይስ ኮሽዛ ማህ ኤሮድ ጋርክ ይ ናሻይ ኡባ ዎደ ኣ ኬሄትር ኩሜዛኔ ማጽነ ጋርክ ማልእዛ ባዝ ማቆዳይስ ቤዝዛ።

ዉርስ ሳሮ

7 ኑ ሲቆ እሻይ ትክቆሳ፥ ታር ዎላ ጎዳይ ኦሳይድ አይለ ማቄዝ፥ አማንንቴዝ ኦሳንቻይ፥ ታ የስ ባጋ ይንትስ ኦድዛ።✝4:7 ሀዋ. ኦ. 20:4፤ 2ጽማ. 4:12 8 ታኒ ኤዛ ይንትኮ ኪቴዛይ፥ ኑ ዋይዚ የዛኮ ይንትስ ኦዲ ይንታን ምንዳይ ጋርከሲ። 9 አናስሞሳ፥ አማንንትዛ ሲቆ እሻይ፥ ይ ባጋይ፥ ኤዛ ይንትኮ ኪቴዛ። ኡንቲ Ꮊይዳ ሀንዛ ባዝ ኡባ ይንትስ ኦዶዳ።✝4:9 ፍልሞ. 10-12

10 ታር ዎላ አጭንቴዝ አርስጽሮኮሳኔ ባርናባሳ እሻይ ናአይ ማርቆሳ፥ ይንታን ሳሮ ዬግዛ። ታ ይንትስ ቲና ኦዴዛይ ጋርክ ማርቆሳ ይንትኮ Ꮊንግኮ ኤዛ ሞኮይታ።✝4:10 ሀዋ. ኦ. 19:29፤ 27:2፤ ፍልሞ. 24፤ ሀዋ. ኦ. 12:12፤ 25፤ 13:13፤ 15 11 ኢያሱ ግዝ ያስጾሳ ይንታን ሳሮ ዬግዛ። ጾስ ካተት ግሾስ ታር ኦዛ አሳይ ጋንጨፕ አይሁደ ማቄዝታይ ኡ ኣዳ። ኡንትካ ታና ምንዛ።

12 ይ ዳቦ፥ ክርስቶስ የሱሳ አይለ፥ ኤጳፍራ ይንታን ሳሮ ዬግዛ። ኤ ይ ጾስ ቲና ሚንጊ ኤቆድ ጋርከኔ ጾስ ሸነ ኤሪ ፖሎዳይ ጋርክ ኡባ ዎደ ጾሳ ይ ግሾስ ዎስዛ።✝4:12 ቆላ. 1:7፤ ፍልሞ. 23 13 ኤ ይ ግሾስ ሎዶቃኔ ህራፖልሳ ካታማ የዝ አሳይ ግሾስ ኢታ ዳቡሬዛና ታ ማርካትዛ።

14 ኑ ሲቆ እሻይ አክመ ሉቃሳኔ ዴማሳ፥ ይንታን ሳሮ ዬግዛ።✝4:14 2ጽማ. 4:10-11፤ ፍልሞ. 24 15 ሎዶቃ የዝ ኑ እሽታይሲ፥ ንምፋስኔ እ ካራ ሺቅዛ አሳይስ ኑ ሳሮ ኦዶይታ።

16 Ꮊ ዳብዳባ ይ ናባቤዛይፕ ጉየ፥ ሎዶቃ ዎሳ ኬ ናባብሶይታ። ይንትካ ሎዶቃ ዎሳ ኬይ ይንትስ ዳክዝ ዳብዳባ ናባቦይታ። 17 ማ አርክጳሳና፥ «ጎዳይ ኔስ እንጌዝ ኦሳ ፖሎዳና ዶግፐ» ዬጊ ቆፍሶይታ።✝4:17 ፍልሞ. 2

18 ታኒ፥ ጳዉሎሳ፥ Ꮊ ሳሮ ታ ኩሸር ጻፌዛ። ታ አቻ የዛና ቆፖይታ።

ጾስ ኣ ኬሃትይ ይንታር ማቆ።