Luqaasa 9

Yesuusa taphpho nam7i hawaarita kiiteeza

1 Yesuusa taphpho nam77ii hawaarita faako xeegii, tuna ayyanita kessod garkkennee harge ubba pathod garkk wolqqannee mawute inggeeza. 2 Xooss kaatetithii baz markkattod garkk hargintteezita pathod garkk kiiteeza. 3 E unttiko, «Gufe maaqqin qurbo maaqqin katha maaqqin miishe maaqqin laammii ma77iza afila maaqqin oges gi abikka aykkippate.✝9:3-5 Luq. 10:4-11 4 Ye katamapp yi kezod gatho imathettithar yi geleez aqo gam7oytta. 5 Oonkka yinttan mokaam ixxiko ye katamapp kezittar unttis erisiza markka maaqqod garkk yi toke yez buli7a pittii kezoytta.» 6 Unttikka kiitintteezay garkk kezii Wonggile odittar duma duma heera hargintteezita pathittar aadheeza.