12 Wazha huɗa yau, yu tsǝfǝ anǝ hyi,

ara a tǝfǝbiya hyir nji bikǝr hyi arya thlǝmǝ nyi.

13 Nahyi tadaˈyar, yu tsǝfǝ anǝ hyi,

ara hyu sǝnbiya nyi ndǝra divira dzǝgwa duniya.

Nahyi wazha shili, yu tsǝfǝ anǝ hyi,

ara a sǝmkur hyi tǝlkur ar kǝra ndǝ ɗǝmwaˈyi kau.

Nahyi wazha baduwari, yu tsǝfǝ anǝ hyi,

ara a sǝnǝr hyi Tada.

14 Nahyi tadaˈyar, yu tsǝfǝ anǝ hyi,

ara a sǝnbiya nyir hyi, ndǝra divira dzǝgwa duniya.

Nahyi wazha shili, yu tsǝfǝ anǝ hyi,

ara njir dǝnama nga hyi,

ǝnga ndǝr Hyal aˈyi wu ɗǝfuwa hyi,

ǝnga a sǝmkur hyi tǝlkur ar kǝra ndǝ shishi ta.

15 A sara hya yiwu duniya, alaga sǝra a gwa mai. Ma ndǝra vǝr yiwu duniya, yiwukur nǝ Tada aˈyi wu ɗǝfuwa ja mai.