1 Avaarnọng 2

Ndọhna sa mkpong nnam sa Devid ọnangi Sọlọmọn

1 Mada obo kwa Devid om-ofor, wa ọnangi nnwa kwẹ Sọlọmọn ndọhna bi:

2 "Kaam nna nkkekkeni mpe, kọ be bi gbuk, asi idik mach’ojinọng, 3 asi idik nnuma s’Ọvaar Ibinọkpaabyi, kw’ode Ibinọkpaabyi kwọ, orori: Kọ renga k’ikpokpobha ttar-ẹ, ahok akpebhi pẹ, ọmaana asana pẹ, ọmaana aphaangi pẹ ttara ndọhna sẹ, macha bẹ akkẹri k’aphaangi pa Mosẹs. Si idik nna ifha árenga mẹ akhaama ẹnaanga k’ọttọhk kpenamkpen f’asi, k’ibe kpenamkpen s’átza, 4 k’odem kw’Ọvaar Ibinọkpaabyi ọfha óhok echekhi chẹ ch’ọnang-m bi: ‘Idikha va pa va pọ arukhi akpen pa bẹ abaan bi aruk, bẹ abira atzima nttem sabẹ biphyir ọmaana agbagba pabẹ biphyir atzọn-m abẹ, kọ echuni kede bi, ákhaama ọnọng ọkhaama kw’ọ́tzọkha ẹvaarchi k’Israẹl.’