1 Reis 3

5 Ọvaar Ibinọkpaabyi oyin Sọlọmọn abẹ k’erungi k’idachen ka Gibeọn. Ibinọkpaabyi oben bi, "Kọ phyem ọttọhk kpenamkpen f’arori bi, nnang-ọ."

6 Sọlọmọn obhina bi, "Kọ akk’ejibha-barada asa anang otte kwaam Devid, kw’ode ọtzọhmnọng kwọ, okhuri da iwa kẹ ophe nnam ka kọ, obiro otzor-otzor, ọkhaama ettem ọkkakka. Kọ achin ororo asi ejibha-barada nda anang-ẹ, anang-ẹ nnwa kw’ijinọng bi, ọtzọkha ẹvaar chẹ maa, pyiri ma.

7 "Manya, o Ọvaar Ibinọkpaabyi, kw’ode Ibinọkpaabyi kwaam, kọ akk’kaam ọtzọhmnọng kwọ, ọvaarnọng asa bi, ndera eho ch’otte kwaam Devid. Yina, kaam ndimi nde nnwa-nnwa, kaam odem kwa nsi itzọhmbọhk saam kinnọng. 8 Kaam ọtzọhmnọng kwọ nwobh k’ottem kw’anọng p’akk’atzekha, anọng-barada, p’ahaabhi ayọhnga odem kw’ọnọng ofha obhik. 9 Mẹ wọ, nang kaam ọtzọhmnọng kwọ ekkoji k’ettem cha ndima ndabh anọng pọ. Mbiri mfha ndima chẹ ngọhkha odengọmi kw’odik kw’otzor-otzor ttara epina. Ọnọng kw’ọfha ọdabh anọng-barada mba pọ kode e."

10 Iwa Ọvaar Ibinọkpaabyi ọdaam ettem ttara Sọlọmọn bi, okk’odik nwa ophyema. 11 Mando kw’Ọvaar Ibinọkpaabyi oben-ẹ bi, "Mada kọ akhiri akpen p’adumi eden, ọmaana ikkọ, ttara obo kw’attattaanga-nọng pọ aji, an-aphyem, ekkoji ch’atzima asi eponga-ttọhna ẹkkakka, 12 kaam ńnang-ọ f’aphyemi ọnang. Kaam ńnang-ọ ettem ch’ekkoji ọmaana ch’eronga maa, ọnọng kode kw’iwa ọkk’ọda mach-ọ, ọnọng kóbiro ode kw’óde mach-ọ.