1 Samwẹl 2

Abyibya-va p’Ẹli

12 Iwa va p’Ẹli ade ajinọng-dukhi. Bẹ Ọvaar Ibinọkpaabyi mach’ọttọhk katzọk. 13 Wa ode ẹmmaana ch’afọhnẹja k’ottem kw’anọng p’Israẹl bi, k’ogbe kpenamkpen kw’ọnọng ọfọhni ẹja, mẹ da etzen cha bẹ atzim afọhni ẹja etzim ẹnọhn k’ekpon, ọtzọhmnọng kw’ọfọhnẹja okwu ttara ejum ch’ẹkhaam aha attaan, 14 okhum k’irọkha kpenamkpen sa bẹ awọhni etzen nda. Nden kpenamkpen s’ọfọhnẹja ohobhi k’irọkha, kẹ ọfọhnẹja ọtzọkha bi, sẹ nde sẹ. M’eden nda dọ ch’iwa bẹ am-asi anang anọng p’Israẹl biphyir, p’atza ka Shilo. 15 Yina bẹ awọhn iyaak s’etzen ch’ẹjafọhni, ọtzọhmnọng kw’ọfọhnẹja ọm-ọtza okheba ọnọng kw’osi ẹjafọhni oben-ẹ bi, "Kọ nang ọfọhnẹja nden nani ọbhaabh, kẹ kokhera bi ọtzọkha etzen ẹwọnachẹ, oyongi ekhekhebhi."

16 Idikha ọnọng nwa kw’osi ẹjafọhni on-okher, on-oben-ẹ bi, "Tte bẹ abhabhaabh iyaak nnuma ọbhabh, ifha atzọkha ekkema ch’ẹdaakh-ọ." Ọtzọhmnọng kw’ọfọhnẹja obhin-ẹ bi, "Mma, kọ nang-m chẹ madeden nwa, oni mando ode, kaam ńdọkha chẹ k’ẹfa."

17 Wa osisi kw’adikkobh mba p’Ẹli ode ẹkhọngkwuri ch’ideden k’itzitzikha s’Ọvaar Ibinọkpaabyi, okhuri da iwa bẹ am-atzọkha nnanga s’anọng anangi Ọvaar Ibinọkpaabyi, atzima atta igbọrọ.