Deuteronômio 22

Aphaangi p’akhuri ọbada

13 Idikha ojinọng ọtzọk kwanọng, ọkk’ẹ abẹ oyima, on-okpukh-ẹ, 14 otzima che cha kwanọng nwa ọkpaanga, obiro ọnang kwanọng che-tzama, oben bi, "Iwa kaam ndọk kwanọng nwa, k’ogbe kwa moyim ayok abẹ, kaam nna nne bi, okk’ojinọng oronga," 15 otte ọmaana ọkka kw’ominanwa nwa akhaambi atzima ẹkhọhkha ch’ẹjaakhi bi ominanwa kwabẹ ojinọng otzim oronga, atza akhọhkha adedennọng p’obhon k’ẹbaakhamma ch’obhon. 16 Otte kw’ominanwa nwa ọ́gbaak adedennọng p’obhon bi, "Iwa kaam nnangi ojinọng nwa ominanwa kwaam k’ọbada, yina, kẹ dọk kọdaakhi. 17 Ma, kẹ okk’ibhora ọsa ọnana nnwa kwaam, oben bi, ‘Kaam nnwa kwọ kinne mach’ọnọng kw’oni ojinọng otzim oronga.’ Yina, ma wọ ode ẹkhọhkha chẹkhọhk bi nnwa kwaam ojinọng otzim oronga." Mẹ wọ, otte ọmaana ọkka akhaambi atzọkha ibara s’ide ẹkhọhkha bi, ominanwa nwa ojinọng otzim oronga, aruri m’itzitzikha s’adedennọng p’obhon.