Nnwẹr kw'Orenga 3

7 Mẹ wọ, Ọvaar Ibinọkpaabyi oben bi, "K’odik ọkkakka, kaam nkk’ọmmamma kw’anọng paam awobh k’Ijip nna e. Kaam nkk’ẹmọng ch’ẹkkaana mmaanga, cha bẹ abhomi, okhuri ihem s’akker-atzọhmnọng am-anang bẹ. Kaam nnong ihem sabẹ am-are kẹ. 8 Mẹ wọ, nkk’nkwa bi, nkwu nkkaana, nnọbha bẹ ka mbọhk s’anọng p’Ijip, mbiri nnọbha bẹ m’irek nnuma, ndima bẹ nchina k’irerek s’ijibh-ojibh ibiri iwoni-owoni. Irerek ọkkakka s’abasi ọmaana akhọkhọnana ahaabh-ọhaabh, obhon kw’abaKenaan, ọmaana abaHet, ọmaana ab’Amọr, ọmaana abaPẹriz, ọmaana abaHiv, ttara abaJẹbus.