Ittẹwọr 27

Jekọb ọrọbh otzor Laban

41 Ẹsau ọdọkhi ettem, okhuri ittabọhng s’otte okk’Jekọb ọsa, on-oben for sẹ bi, "Iwu sa nkwu-osisi s’obo kw’otte kwaam im-ifor e. Ọkk’ọpa, mosẹ-ẹ obo, kaam ḿfhu ọgbaanọkka kwaam Jekọb."

42 Mada bẹ agbaakhi Rẹbẹka odik kwa nnwa kwẹ Ẹsau ọm-ọkham okhuri Jekọb, oyeri nnwa kwẹ Jekọb okwu, oben-ẹ bi, "Kker e, agbaanakka Ẹsau ọkhami bi ọfhọ-ọ, otzima odini for sẹ nttem. 43 Mẹ wọ, nnwa kwaam, ogbe kàkhibhi, si macha mgbaakh-ọ. Bina do for ẹbhar-ẹbhar arọbh achina k’ọgbaanọkka kwaam Laban, kw’orukhi ka Haran. 44 Kọ wobha mẹ ttar-ẹ maa, idọdọkhi s’agbaanakka iha. 45 Ikhina agbaanakka okk’odik kwa sẹ ọraama, idọdọkhi ibiri ihẹ-ẹ k’ettem, mẹ kwa kaam ńdọhm ẹkkaabha nnang-ọ akhuna. Okhuri yan kwa bọng anọng afa an-adim-m k’ewu dani o?"