Ittẹwọr 45

5 Nttem nningi bọng atzim iyakhi. Bọng ayok kabira apyima bi, bọng akpe-m anang ma, okhuri bi, Ibinọkpaabyi ochi eden ọtzọhm kaam ma bi, ifha orenga ka nnam saam ọkkaana akpen p’anọng. 6 Onode cho afa ma p’okwo f’ideden owobh m’irek nna e, ka cho azen p’am-akwu k’itzitzikha anọng bẹ ekpo káyaabha, bẹ kabira apha. 7 Yina, wa Ibinọkpaabyi ochi eden ọtzọhm kaam ma bi, nkkaana nhok bọng ayok bani akpen m’ọyagbin, ifha mbiri nnang bọng ẹnaanga ch’ideden.

8 "Mẹ wọ, bọbọng arang asi, Ibinọkpaabyi wọ iwa ọtzọhm-m ma e. Osi-m bi, nde ọvaar kw’ajukwa pa Phero biphyir, ọmaana itta kw’ọhọhm kwẹ, ttara ọdabhi kw’anọng p’Ijip makhọra.