Mateus 17

Otua̠ otua̠ Otu ta̠ A̠zib̠a̠

24 Sa̠ agu̠o̠ awa id̠igh d̠a̠ Akapanu̠m bho̠, sa̠ igunmotua̠ Otu ta̠ A̠zib̠a̠ iru ra̠ i̠te̠i̠ A̠pita̠ ipura̠n ma̠a̠, "O̠ni̠ atu̠ghu̠me̠ni̠ d̠inyin na̠ a̠tua̠gha̠n otua̠ okpoki i̠wal e̠mu̠ a̠d̠uma̠ ogir *17:24 Okpoki i̠wal-e̠mu̠ a̠d̠uma̠ ogir, bha̠ otua̠ ola̠ a̠nwunom Izire̠l ya̠ na̠ ed̠igh e̠mu̠ bho̠, na̠ etua̠ gha̠n. Na̠ ebhin ikpoki otua̠ bho̠ na̠ e̠tu̠ghu̠man Otu ta̠ A̠zib̠a̠ d̠a̠ A̠zeruse̠le̠m. Ubhelegi ma̠ okpoki onon ma̠a̠, i̠wal-adrakma d̠a̠ o̠nu̠ A̠grik.bho̠ ke̠re̠?"

25 Sa̠ i̠na awo̠ran ma̠a̠, "Yii," i̠na na̠ akpe̠, ya̠a̠ igiel i̠na a̠d̠igh d̠a̠ ologi otu bho̠, sa̠ A̠zizo̠s awalama a̠pura̠n i̠na ma̠a̠, "Asai̠mo̠n, anwa i̠bi̠gh eka̠? Aru̠lala e̠mara̠nwunom bho̠ na̠ esobh otua̠ na̠ enigha̠ ma̠ anwi̠i̠ny d̠awa ke̠re̠, bo̠d̠o̠ ka̠ na̠ egun d̠a̠ agu̠o̠ risoloma̠?"

26 Sa̠ A̠puta̠ awo̠ran ma̠a̠, "D̠a̠ agu̠o̠ risoloma̠." Sa̠ A̠zizo̠s a̠fugh ma̠a̠, "O̠ku̠a sa̠ anwi̠i̠ny bho̠ id̠igh ani̠ d̠o̠. 27 Ya̠a̠, agu̠o̠ ola̠ ko o̠gamame̠ni̠ d̠o̠ ma̠ rologi d̠awa, bha̠ sore d̠a̠ o̠bhi̠i̠y ka̠ ato̠ri̠ ma̠ amu̠kpabh, sa̠ o̠pu̠r ena̠ wa̠ anwa ta̠ a̠kor bho̠, bha̠ b̠etone ma̠ akpato̠n o̠nu̠ bho̠, sa̠ anwa ta̠ abi̠gh okpoki. Bhine ma̠ ka̠ a̠tua̠ ma̠ a̠bin d̠ami̠ na̠ ita̠ oyom."