7 Unone atwe po tu di noru rufumo mu tufuma toma, ku monithsa ci okoro o ku piterera po wa Nyambi kadi wetu.

8 Twaa thsinenekiwa kokuhe, unone ka tu topwerire. Tu na karupera nene, uno honi ka tu pwererire okurupero. 9 Twaa nyandithsiwa, unone Nyambi ka a tu thsiererire. Twaa huweriwa pashi, unone kwithsa kunongithsiwa. 10 Thsikati thsothsihe twaa shimbanga kufa kwa Yesu mwirama yetu ci mwoyo wenthzi u monahare mwirama yetu.

11 Inene atwe tu yoya twa ekaranga mwikarupa yo kufa mukaci ka Yesu, ci mwoyo wenthzi u monahare mwirama yetu yo ku twethsa kufa.