EHOKORA 19

Membo o thsinyanyu mu wiru

1 Munyima thzeyi, na yuvire eyi ya yuvaharire eci mungi oukuru mu wiru wanu o kwa kuerera ci:

"Haleluya!*19.1 Ku shangariwe Nyambi.

Kuyoyithsiwa no kutethzima nokoro po ya Nyambi wetu.

2 Raturo thzenthzi po thza shemwa karo thza ku oroka.

Na a ratura diya diherehere dyoshokuru

edi na dipithsa kaye ko ruthziho rwadyo.

Nyambi na a di pa humbithso pa kwipaa apikenthzi."

3 A kuererire karo ci:

"Haleluya!

Mwithse ou u tunda pa padyo waa thsima diyere na diyere!"