12 Uno honi Galio o ku di nguvuru o mu Akaya, Majuda a cikwatire ku rwithsa Paulu no ku mu reta pa diratwero. 13 Ngou a ambire ci: "Oyu mukwerume oyu aa karaethza anu ku rombera Nyambi komu u na kanithsera murao."
14 Unone Paulu ou a fotire ku amba, Galio wa amberire Majuda ci: "Nga thsiamba thso ku ninga ci nepithsa nji okeremi, apo nga ni na tambura kooko thzenu. 15 Uno honi pakuninga ci ya mangudi o maywi no mathzina no murao wenu mwathsinda, mu i rature yoyamwe. Ame ka ni ratura enu yo kenge." 16 Ngou a wa cithzire mu kuta. 17 Wahe a kwatire Sositene muendithsi o sinagoge, no ku mu furera pa kuta, unone Galio ka a i twarire mucima.