Kathsimo ko mwana o kuyonga
11 Yesu wa shumunine ko ku wa tera kathsimo ci: "Kwekarire munu yumweya oyu wekarire nana aidi. 12 Minamunu wa amberire tata wenthzi ci: ‘Tata, o ni ere ku rufumo rwoe oru nga mba ni erako ku rupara.’ Tata wenthzi wa tawire no ku wa era etere momu widi wo.
13 "Munyima thzo mayuwa oapu, mwanenthzi shoonye wa urithsire oro rufumo a mu pire no ku shimba madi ku thza ku ditunga dyo kure, oku a ka pethsapethserire madi enthzi ko kayoyero kokamango.
20 Popo wa katukire no ku huka kwa tata wenthzi.
"O ku endera kokure kamanana no diumbo, tata wenthzi wa mu monine no ku mu yuvera ñekeñeke, wa mu cirerire no ku ka mu wera mu thsimbando no ku mu yamwa.
22 "Unone tata wenthzi wa amberire apikenthzi ci: ‘Mu yokorore! Mu rete evata yoiwa nene mu mu vateke. Mu mu shupeke kanthzea ku munwe no ku mu vateka mashangu kwidyato. 24 Inene oyu mwanange shime aa fa, unone honi aa yoya. Shime aa yonga, unone honi na waniwa.’ Popo dishambirera dya tatekire.