14 Ou a wa monine wa wa amberire ci: "Mu thze ku mapurisita a ka mi mone." O kwa ka thza kengeyo, wahe a porire.

15 Yumweya kukwo ou a monine ci na poro, wa hukire kwa Yesu o ku shangara Nyambi ko diywi dyodikuru. 16 Wa na wererire ku mauru a Yesu no ku kanderera ku kwenthzi, karo oyu mukwerume po Musamaria.

17 Yesu wepurire ci: "Ene kadi akwa dikumi waya a na porithsiwa? Awaya amweya o mutanu nane ne kupi a di? 18 Ene kwithsa shaanga yofoci kukwo oyu na ka huka ku na shangara Nyambi shime oyu mutundakure?" 19 Wa mu amberire ci: "O katuke o thze, thsitawo thsoe thsi na ku porithsa."